有關三支紅色筆芯. 墨水

有關三支紅色筆芯. 墨水

上月因身體不適, 入法國醫院做徹底檢查。

平生第一次醫院過夜, 第一次抽血驗血, 第一次被麻醉 ... ...

小事幾則

一) 姑娘手提工具箱同我講宜家要抽血, 其實我真係唔怕痛。

      橡根纏在左手上臂, 姑娘拍打, 找到血管, 抽取血液, 好紅裝滿一樽仔test tube。

      釘書機在我左手中指拮一下, 血滴擠出, 姑娘用吸管法一下一下把我的鮮血吸入幼管, 吸滿一整支, 遠看有點似紅色原子筆芯。

     就係咁吸下吸下吸左三支紅筆芯。

二) 第二天早上九點開始動, 在手術室內, 我側躺在床上 。

      姑娘先給我口服麻醉劑, 叫我服後五秒才吞下, 麻醉劑有點刺喉, 五秒後, 吞下。

     已經醉昏昏。

     醫生要在手背拮管, 叫「洪裕琳, 揸實拳頭。」我照做。

     另一邊廂, 姑娘叫我張口吸實吸管, 我張口。

     醫生再叫我「洪裕琳, 放開拳頭。」叫一次我聽唔到, 叫第二次先稍有反應。

     麻醉下, 我記憶僅此。

     完成。

    介乎醒與昏之間, 我感到 ...

    感到我躺在床上, 由手術間推到休息間, 好冷。

 

洗手間好乾淨, 成晚被我霸住。

每一次入去疴就好似一場革命, 當以為疴完着褲開門之際, 第二場革命又起義啦。

雖然成晚都訓唔着, 但要顱其他人感受 -- 熄燈。

呢下係麻醉前拮嘅, 扯到血管有點痛。